España nun futuro próximo. Un novo partido político chamado Movimiento Ciudadano ¡Soluciones Ya! arrasou nas eleccións. Quen o dirixe na sombra é un empresario de éxito que defende que o Consello de Ministros funcione como un consello de administración, e que ten proxectos ambiciosos para arranxar o país. Tras a alarma dunha vaga de vandalismo, formará un novo corpo de Vixiantes, tras un Gran Apagón creará un acceso limitado a internet e, ante as dificultades, estimulará a liberdade de compras e consumo. Todas elas serán medidas extraordinarias porque o país afronta novas formas de pandemia que requiren seguridade por riba de todo. "A seguridade é saúde. A saúde é vida. A vida é seguridade".
Só un grupo de homes e mulleres correntes se atreverán a desmontar as mentiras do novo réxime no que todo parece mellorar, cando en realidade viven baixo o abuso de poderosos sen escrúpulos.