Na década dos noventa, unha nena de once anos reside coa súa familia na Demo, unha lóbrega urbanización de «unha cincuentena de chalés grises aliñados como lápidas». Na súa casa hai catro habitacións: a súa, a do seu irmaciño Gilles, a dos seus proxenitores e «a dos cadáveres», ocupada polos trofeos de caza dun pai cuxos imprevisibles ataques de ira converteron á nai, aos ollos da nena, nunha «ameba». O único apoio afectivo desta rapariga de imaxinación desbordante, dotada dun talento innato para as matemáticas e a física, é o pequeno Gilles, de seis anos. Xuntos esperan cada día a chegada da camioneta dos xeados mentres xogan entre coches abandonados ou visitan a Monica, unha excéntrica contacontos do próximo bosque dos Colgaditos. Un día calquera, con todo, un brutal accidente destrúe o seu mundo e xa nada volverá ser o mesmo.

1º-2º BAC