Premio Goncourt 1975

Momo, un neno musulmán orfo, conta a súa conmovedora historia a carón da señora Rosa, anciá xudía sobrevivente de Auschwitz, que acolle os fillos das prostitutas na súa pensión clandestina en Belleville, un suburbio parisiense. Aquí malviven emigrantes ilegais e toda sorte de perdedores. Momo non ten a ninguén no mundo e, cando se decata de que a señora Rosa padece unha enfermidade, tenta loitar contra a decrepitude que a vai consumindo, a pesar dos coidados que lle prodigan a señora Lola, un ex boxeador senegalés, e o señor Waloumba, un barrendeiro camerunés.

A través da mirada de Momo, enfrontado prematuramente á crueza da vida, o lector mergúllase nas reflexións dun neno que fala do seu mundo, do racismo, da soidade e do medo, cunha rara mestura de humor, inxenuidade e tenrura. O resultado é dunha notable grandeza humana e beleza literaria. Os lectores de Romain Gary/Émile Ajar atopan nesta obra algunhas das claves da vida deste grande autor.

3º-4º ESO